ތޭވީސްވަނަ ހަފްތާ ބަންދު: “ތަފިރިންނަށް އެއްވެސް ކަމަށް ނިވޭހެއް”

ސުރުޚީގައި އެވާ އިބާރާތަކީ ޖޯލިފަތީގައި އެއްމެ ގިނައިން ދެކެވޭ އެއްވާހަކައެވެ. ތެދެކެވެ. އަތޮޅުގެ އެހެން ރަށް ރަށާއި އަޅާބަލާއިރު، މީދޫ އޮތީ ވަރަށް ފަހަތުގައެވެ. މިހަގީގަތް މިހެން އޮތްނަމަވެސް މިހެން ދިމާވާންޖެހުނީ ކީއްވެގެންތޯ ބަލަންބޭނުންވާ އެކަކުވެސް ހުރިހެނެއް ހިއެއްނުވެއެވެ. އަބަދުވެސް ފެންނަނީ އެހެން މީހުން ކުއްވެރިކުރާ މަންޒަރެވެ. ތިމާނޫން އެހެން މީހުންނަކީ އެއްވެސް ބައެއް ނޫންކަން ދެއްކުމަށްޓަކައި މަސައްކަތްކުރާތަނެވެ.

ރަށުގެ ގޮނޑުދޮށުން ބައެއް ކޮނެގެން ނެގުމުގެ ސަބަބުން ރަށުން ބައެއް އުނިވާ އުނިވުމަށް ރަށް ގިރަނީއޭ ނުބުނެވޭނެއެވެ.

އިއްޔެ ހެނދުނު ޓީވީއެމް 10 ގެ ޚަބަރުގައި އަޅުގަނޑާއި ހަވާލާދީ ބުނެފައިވެއެވެ. “އިސްމެހެލާ ހެރައާއި މީދޫއާއި ދޭތެރޭ އޮއިދެމޭގޮތައް ވަކިކުރުމުން އުތުރުފަރާތުން ރަށް ގިރުންވަނީ ހުއްޓިފައި”. ދުވަހުގެ ބޮޑު ޚަބަރެއްގެ ގޮތުގައި މިވާހަކަ ފެތުރިގެންދާން ސިކުންތުކޮޅެއް ނުނަގައެވެ. އެއްބަޔަކު ރަށު އޮފީހަށްވަދެ އަޑުގަދަކުރިއެވެ. އަނެއް ބަޔަކު ފޫޓުފީތާ ހިފައިގެން ކޯގަންނަށް ދިޔައެވެ. އެގުރޫޕުން ކުރި ދިރާސާއިން އެނގުނު އެއްކަމަކީ މިވެނި ދުވަހަކުން ފެށިގެން މިއަދާއި ހަމައަށް 8 ފޫޓު ގިރައިގެން ގޮސްފައިވާކަމެވެ. ނަމަވެސް 8 ފޫޓު ރަށުން މަދުވެގެންދިޔައީ ކީއްވެގެންކަން އެމީހުންގެ ދިރާސާއިން ނޭނގުނެވެ. ނޫންނަމަ 8 ފޫޓު ފަސްގަނޑަށްވީ ކިހިނެތްކަން އެނގިތިބެމެ ހާމަކުރަން ބޭނުމެއް ނުވިއެވެ.

ބާވީސްވަނަ ހަފްތާ ބަންދު: ތުރާ ފިލުވުމުގެ މައްސަލަތައް މިހާރު ހުށަހަޅަންޖެހެނީ ކޯޓަށެވެ.

ރުއްވެއްޓުމުގެ ހިތާމަވެރި ހާދިސާއަށްފަހު ރައްޔިތުންގެ ފަރާތުން އެއްމެ ގިނައިން ވޭތުވެދިޔަ ހަފްތާގައި އަޅުގަނޑާއި ހަމައަށް އައިސްފައިވާ ޝަކުވާއަކީ، ގޭގޭގެ ގޯތިތެރޭގައި މަގުމައްޗަށް ވާގޮތައް ހުރި ރުއްތައް ސަރުކާރުގެ ޚަރަދުގައި ކެނޑިއިރު، ރުކުގެ ކޮޅު އެކަނި ކަނޑާލާފައި ދޫކޮށްފައި ހުރުމުން، ކުރިމަތިވެފައިވާ ނުރައްކަލުގެ ޝަކުވާތަކެވެ. ތެދެކެވެ. ރައްޔިތުންގެ ރައްކާތެރިކަމާއި، ސަލާމަތައްޓަކައި ސަރުކާރުގެ ބަޖެޓުން ޚަރަދުކޮށްގެން ރުއް ކަނޑާފައިވާނަމަ، އެ ކަނޑާލި ރުއްތަކުން އިތުރަށް ރައްޔިތުންނަށް ނުރައްކާވެގެން ނުވާނެއެވެ.

އެކާވީސްވަނަ ހަފްތާ ބަންދު: އަވައްޓެރިޔާއަށް އުނދަގޫވަނީއެވެ. އަދި އަވައްޓެރިޔާގެ ފުރާނައަށްވެސް ނުރައްކާވަނީއެވެ.

އޮފީހުގައި ހޭދަކުރެވުނު އެކާވީސް ހަފްތާގެ ތެރޭގައި، އެއްމެ ގިނައިން ރައްޔިތުންގެ ފަރާތުން ލިބުނު އެއް ޝަކުވާއަކީ އަވައްޓެރިޔާގެ އުނދަގުލުން ސަލާމަތް ނުވެވިގެން އުޅެންޖެހުމުގެ ޝަކުވާތަކެވެ. އަވައްޓެރިޔާގެ ގޯތިތެރޭގައި ހުރި ރުއްގަހުން ފައިބާ ބަނބުކޭލާއި، ކާށިން ފުރާޅު ސަލާމަތްނުވެވިގެން އުޅޭ ވާހަކައެވެ. ޖެހިގެން ހުރި ގޯތީގެ ފާޚާނާ ޖަންކްޝަން މަދިރި އުފެދޭގޮތައް ދޫކޮށްލެވިފައިވާ ވާހަކައެވެ. ކާބަފައިންގެ ޒަމާނުއްސުރެ ހައްދަމުން ދިޔަ އޮޅަށް ކުނިއުކުމާއި، އޮޅާއި އިންވެގެން އޮތް ގޯތީގައި ގެންގުޅޭ ބަކަރިތަކުގެ ފާޚާނާއަކަށް އޮޅު ބަދަލުވެގެން އުޅޭ ވާހަކައެވެ. ލިސްޓް އިތުރަށް ދިގުކުރުމުގެ ބޭނުމެއްނެތެވެ.

ވިހިވަނަ ހަފްތާ ބަންދު: އެއްގަމު ދަތުރުފަތުރުގެ ގާނޫނަށް އަމަލުކުރަން ފެށުން

އަލަށް އެކުލަވާލެވުނު އެއްގަމު ދަތުރުފަތުރުގެ ގާނޫނަށް އަމަލުކުރަން ފަށާފައިވަނީ 15 އެޕްރީލް 2009 ވަނަ ދުވަހުއެވެ. މިގާނޫނަކީ 2005 ވަނަ އަހަރު ރައްޔިތުންގެ މަޖިލީހަށް ހުށަހެޅި 1 އެޕްރީލް 2009 ވަނަ ދުވަހު ރައްޔިތުންގެ މަޖިލީހުން ފާސްކުރައްވާފައިވާ ގާނޫނެކެވެ. މިގާނޫނު ރައީސުލްޖުމްހޫރިއްޔާ ތަސްދީގު ކުރެއްވުމާއެކު ކުރިން އަމަލުކުރަމުން ގެންދެވި ގާނޫނު ނަންބަރު 7/95 އެއްގަމުގައި ދުއްވާ އެއްޗެއްސާބެހޭ ގާނޫނު ވަނީ އުވިފައެވެ. ނަމަވެސް މިގާނޫނު އަތޮޅު ތަކުގައި ތަންފީޒު ކުރަން ފަށާފައިވަނީ 1 އޮކްޓޫބަރު 2009 ވަނަ ދުވަހުން ފެށިގެންނެވެ.

ނަވާރަވަނަ ހަފްތާ ބަންދު: އަމާޒަކީ ރަށުގެ ހުރިހާ މަގު ބައްތިތައް މަރާމާތުކޮށް ދިއްލުން

މަގު ބައްތި މަރާމާތުކޮށް ދިއްލުމުގެ ވާހަކަ ދައްކާއިރު އެއްމެ ފުރަތަމަވެސް ފާހަގަކޮށްލަންޖެހޭ އެއްކަމަކީ، މަގު ބައްތި މަރާމާތުކުރުމަށް ވޭތުވެ ދިޔަ 2007، 2008 ވަނަ އަހަރު ސަރުކާރުން ދެއްވި އަދަދައް މިއަހަރު ފައިސާ ލިބިފައި ނުވާކަމެވެ. ވޭތުވެދިޔަ ދެއަހަރުގައި މަގު ބައްތި މަރާމާތުކުރުމަށް ކޮންމެ މަހަކަށް 2400 ރުފިޔާ ލިބިފައިވެއެވެ. އަދި ކޮންޓްރެކްޓް އުސޫލުން ބަޔަކާއި މަސައްކަތް ހަވާލުކޮށްގެން މަގު ބައްތި މަރާމާތުކުރުމުގެ މަސައްކަތް އެދެއަހަރު ވަނީ ކުރެވިފައެވެ. ނަމަވެސް އަޅުގަނޑު އޮފީހާއި ހަވާލުވިއިރު ރަށުގައި ހުރި 161 ބައްތީގެ ތެރެއިން 70 ބައްތި ނުދިއްލެއެވެ. މީގެ ތެރެއިން ގިނަ ބައްތިތައް ހުރީ އެއްކޮށް ކޮންޕްލީޓް ބަދަލުކުރަންޖެހޭވަރަށް ހަލާކުވެފައެވެ. ދެއަހަރުވަންދެން އޮފީހުން ތަކެތިދޭގޮތައް ކޮންޓްރެކްޓް އުސޫލުން ބަޔަކާއި މަސައްކަތް ހަވާލުކޮށްގެން މަގު ބައްތި މަރާމާތުކޮށްފައިވާއިރު މިހާ ގިނަ އަދަދެއްގެ ބައްތި އެއްކޮށް ހަލާކުވެފައި ހުރުމަކީ ސުވާލު އުފެދޭކަމެކެވެ. ނަމަވެސް އިތުރަށް އެވާހަކަ ދެއްކުމުގެ ބޭނުމެއް ނެތެވެ.

އަށާރަވަނަ ހަފްތާ ބަންދު: “ތޭ ދެން މާ މައްތައް ކަންތެތި ތެއެނީ.”

އަށާރަވަނަ ހަފްތާ ބަންދުގައި ކުރިން އަޅުގަނޑު ލިޔަން ގަސްތުކޮށްގެން ހުރީ މަގު ބައްތި މަރާމާތުކުރުމުގު މަސައްކަތް ކުރިއަށްދާގޮތާއި ބެހޭގޮތުންނެވެ. ނަމަވެސް ކުރިމަތިވި އެހެން ކަމަކާއި ގުޅިގެން ސުރުޚީ ބަދަލުކުރަން ޖެހުނީއެވެ.

މިދުވަސްކޮޅު އެއްމެ ބޮޑު ސަމާލުކަމެއް ދީގެން ކުރިއަށްދާ އެއްކަމަކީ މަދިރި ކޮންޓްރޯލް ކުރުމުގެ މަސައްކަތެވެ. މިގޮތުން މިހާތަނަށް 99 ގޭގެ މަދިރިއުފެދޭގޮތައް ހުރި ފާޚާނާ ޖަންކްޝަންތައް ސިމެންތި އަޅައި ބެއްދުމަށްފަހު، ނަރުދާ ޖަހަންޖެހޭ ހޮޅިތަކުގައި ދާއަޅެމުގެ އިތުރުން މަސް އަޅަންޖެހޭ ވަޅުތަކަށް މަސް އަޅައި މިއަދުވަނީ ނިމިފައެވެ. މި ޕްރޮގްރާމް އިތުރަށް ފުޅާކޮށް ރަށުގައި ހުރި ހުރިހާ ގެއެއްގެ ފާޚާނާ ރަނގަޅުކުރުމަކީ މިމަސައްކަތުގައި ހަރަކާތްތެރިވާ ރަށުގެ ޒުވާން ވޮލަންޓިއަރުގެ މަގްސަދަކަށް ވެފައިވާތީ، މިމަސައްކަތް ކުރިއަށް ގެންދާނެ ގޮތަކާއި ބެހޭގޮތުން ކޮންމެ ދުވަހަކުހެން އެކި ފަރާތްތަކާއި، އަޅުގަނޑު މިގެންދަނީ މަޝްވަރާ ކުރަމުންނެވެ.  މިވަރުން އެވާހަކަ ނިންމާލުމަށްފަހު ސުރުޚީގައި އެވާ މައްސަލައިގެ ތަފްސީލަށް ދާނަމެވެ.

ވަކިވެންގެން އެދިޔައީ ދިވެހި ތާރީޚަށާއި، ތައުލީމަށް ގިނަ ގުނު ޚިދުމަތްތަކެއް ކުރެއްވި ބޭފުޅެއް

 އޯގަސްޓް 1،  1958 ގައި ދުނިޔޭގެ އަލިކަން ދެކެވަޑައިގަތް އަބްދުﷲ ޒަމީރަކީ މީދޫގެ ވަރަށް މަޝްހޫރު އާއިލާއެއްގެ ބޭފުޅެކެވެ. އޭނާގެ ކާފާފުޅަކީ މުޅި އައްޑު އަތޮޅުގައި އުފެދުނު އެއްމެ ވަރުގަދަ އެއް ޝަޚުސިއްޔަތު ކަމަށްވާ އައްޑޫ މީދޫ ފެންނާ މަނިކުފާނެވެ. ފެންނާ މަނިކުފާނަކީ އައްޑު އަތޮޅުގެ ނައިބުކަންވެސް ކުރެއްވި ބޭފުޅެކެވެ. ޒަމީރުގެ ބައްޕައަކީ ސ.މީދޫ ކަތީބުކަން ވަރަށް ގިނަދުވަހު ކުރެއްވި ބޭފުޅެއްކަމަށްވާ އެދުރުގެ މުހައްމަދު ނަސީމް އެވެ.

ސަތާރަވަނަ ހަފްތާ ބަންދު: އޮފީސް މުވައްޒަފުންގެ ފަރާތުން އެއްބާރުލުން ލިބޭހެއްޔެވެ؟

ސުރުޚީގައި އެވާ ސުވާލަކީ ކޮންމެ ދުވަހަކު އަޅުގަނޑާއި ކުރިމަތިވާ ސުވާލެކެވެ. ސުވާލުގެ ޖަވާބަށް ދިއުމުގެ ކުރިން މިއަދު މިސުވާލު ފެންމަތިވެގެން މިއުޅެނީ ކީއްވެގެންތޯވެސް ބަލާލަންޖެހެއެވެ. ވިސްނޭގޮތުގައި މިއަދު މިސުވާލު ފެންމަތިވެގެން މިއުޅެނީ ދިވެހި ބަހަށް މިނިވަންކަން ލިބުނީތީއެވެ. ދިވެހި ބަސް ކަސްތޮޅުން ނެއްޓުމާއެކު މިކަހަލަ އެތައް ސުވާލެއް މިއަދު މިވަނީ އުފަންވެފައެވެ.

ސުވާލުގެ ޖަވާބު ވަރަށް ކުރުކޮށް ދެވިދާނެއެވެ. ސަބަބަކީ އޮފީހުގެ ކޮންމެ މުވައްޒަފަކީ، ހަވާލުކުރެވިފައިވާ މަގާމުގެ ޒިންމާތަކާއި، މަސްއޫލިއްޔަތުތައް ފުރިހަމައަށް އަދާކުރުމަށް އެއްބަސްވެ، ވަޒީފާ ބަޔާނެއްގައި ސޮއިކޮށްގެން ވަޒީފާ އަދާކުރަމުންދާ ބަޔަކަށްވީތީއެވެ.

President Nasheed’s Speech at the 64th UN General Assembly (Part 2)

President Nasheed’s Speech at the 64th UN General Assembly (Part 1)

ސޯޅަވަނަ ހަފްތާ ބަންދު: މިރަށަކީ އަހަރެމެން އެކަނި ދިރިއުޅެން އޮތް ރަށެއް ހެއްޔެވެ؟

މިރާއްޖެ އުފެދުނު ގޮތް ދުށް މީހަކުނެތެވެ. އެވޭލާ ތާރީޚުންވެސް މިރާއްޖެ އުފެދުނު ގޮތް މަންޒަރު ކޮށްދީފައި ނެތެވެ. އެކަމަކު މިރާއްޖޭގެ ރަށްތައް ގިރެމުން ނެތެމުންދާ މަންޒަރު މިދަނީ ފެންނަމުންނެވެ.

މިރާއްޖެއަކީ އަބަދުވެސް ގިރަމުން ހެދެމުންދާ ރާއްޖެއެކޭ ނުވަތަ ގިރެމުންވޮޑެމުންދާ ރާއްޖެއެކޭ ވަރަށް ގިނަ މީހުން ބުނެ އުޅެއެވެ. އެހެންނަމަވެސް މިހާތަނަށް ގިނައިން ފެނިފައިވަނީ ރާއްޖޭގެ ރަށްތައް ގިރެމުން ނެތިގެންދާތަނެވެ. މިގޮތައް ނެތިގެންދިޔަ ރަށްތައް ގިރައި ހުސްވުމުގެ ސަބަބުން އެރަށްތަކުގެ މީހުން ރަށް ދޫކޮށް އެހެން ރަށްރަށަށް ހިޖުރަކޮށްފައި އެބަހުއްޓެވެ. ފ.އަތޮޅު ހިމިތީ މީހުން އެރަށުން ފޭބީ އެރަށް ގިރައި ހުސްވުމުންނެވެ.

“Please, don’t be stupid” Mohamed Nasheed told the world regarding the need to act decisively against climate change

You will forever be missed

Inna lillahi wa inna ilayhi raji’oon….

You will forever be missed by many peoples heart you have touched

May Allah swt have mercy on you and grant you a place in Jannatul Firdaus Aameen

May Allah swt grant patience and forbearance to your family, bless them and unite them all in Jannah Aameen.

ތިހާދުރުގަ ނުހުންނާށެވެ

 

އެއީ މިރޯދަމަހުގެ ފުރަތަމަ ދުވަހެވެ. އަހަރެންވެސް ރޯދަ ކުރުކޮށްލަން ދިޔައީ ހިއްކި ބިމަށެވެ.

އަހަންނަށް އޭނާ ފެނުނީ ތޮށިގަނޑުމަތީ މޫދަށް ބަލަހައްޓައިގެން ހުއްޓައެވެ.

އޭނާގެ ކޮންމެ ހަރަކާތަކަށް އަހަރެން ބަލަން ހުރީމެވެ.

އެއީ ކޮންފަދަ ހިތްގައިމު ސޫރައެއް ހެއްޔެވެ.

އޭނާވެސް ދޭތެރެ ދޭތެރެއިން އަހަންނާ ދިމާލަށް ބަލާލައެވެ.

ހަތަރުކަޅި ހަމަވާ ކޮންމެ ފަހަރަކު އޭނާ ހިނިތުންވެލައެވެ.

އޭ ޖާދޫގެ މަލިކާއެވެ. ތިޔަ އަސަރުގަދަ ލޮލުން ތިކުރަނީ ކޮންކަމެއް ހެއްޔެވެ.

އަހަރެން މޮޔަވެދާނެއެވެ. ތިހާދުރުގައި ނުހުންނާށެވެ.

އަހަރެންނާއެކު ދުއްވާލަން ހިގާށެވެ. އޭރުން ތިއެކަނިވެރިކަން ފިލައިދާނެއެވެ.

ޒަވާޖީ ހަޔާތައް ފޮނި އަރާމާއި ލައްޒަތު ދޭށެވެ. – 1 (18+)

ކިތައްމެ ލޯބިން ކައިވެނި ކުރިކަމުގައި ވިޔަސް ޒަވާޖީ ހަޔާތުގެ ފޮނި ލައްޒަތު ތާޒާކަމާއެކު ގިނަ އަހަރު ތަކަކަށް ދެމިގެން ނުދެއެވެ. މިހެން ދިމާވަނީ ގިނަފަހަރަށް ކައިވެނިކުރުމުގެ ކުރިން ލޯބީގެ އަރާމާއި އުފާ ކޮންމެވެސް ސިފައެއްގައި ހާސިލްކޮށްފައިވާތީއެވެ. އާއްމުކޮށް ކައިވެނި ކުރުމުގެ ކުރިން ލޯބީގެ ލައްޒަތު ލިބިގަނެވޭނީ ވަރަށް ހަނިގޮތަކަށެވެ. ލޯބިވެގެން އުޅޭ ދެމީހުންނަށް ލޯބީގެ ހިތްގައިމުކަން ކުޑަކޮށް ނަމަވެސް ތަޖްރިބާކުރެވިއްޖެނަމަ ދެން ބޭނުންވާނީ އެމަސްތުގައި މުޅި ދުވަސް ހޭދަކުރުމަށެވެ. މިކަން ކުރެވެން އަންނަނީ ކައިވެނިކޮށްގެން ކަމަށްވުމައެކު ވަރަށް އަވަހަށް ކާވެންޏާއި ދިމާލަށް ދެމީހުން ދަތުރުކުރާނެއެވެ. ނަމަވެސް ކައިވެނި ކުރުމާއެކު، މަޑު މަޑުން ޒަވާޖީ ހަޔާތުގެ ތާޒާކަން  ކެނޑެމުން ގޮސް ދެމީހުން ކައިވެނީގެ މަޅީގައި ބެނދިގެން ތިބުން ނޫން އެހެން އެއްވެސް ކަމެއް ނޯންނަ ހިސާބައް ދެއެވެ.

ދެބަސްވުންތައް މަދުކުރުމަށްޓަކައި

ދެބަސްވުންތަކަށް މަރުޙަބާ ކިޔާށެވެ. އަދި ދެބަސްވުންތަކަށް އެއްބަސްވާށެވެ.

އަބަދުވެސް ހަނދާންކުރާށެވެ. ކޮންމެ މީހަކީވެސް ތަފާތު މީހެކެވެ. ހުރިހާކަމެއްގައި ދެމީހުން އެއްޚިޔާލެއް ހުށަހަޅާނަމަ އޭގެތެރެއިން އެކެއްގެ ބޭނުމެއްނެތެވެ. ކަމެއްގައި ތިމާއަށް ކުރީން ވިސްނިފައިނެތް ކަމެއް ވިސްނައިދީފިނަމަ އެކަމަށްޓަކައި އޭނާޔާ ދެކޮޅުނުހަދާށެވެ. އޭގެ ބަދަލުގައި އޭނާއަށް ޝުކުރު އަދާކުރާށެވެ. ކަމަކާ ދެމީހުންގެމެދުގައި ދެބަސްވުމަކީ ބޮޑު ގޯހެއް ނޫނެވެ. އެއީ ގޯހެއް ހެދުމުގެކުރީން އެކަން އިޞްލާޙް ކުރުމަށް ލިބޭ ރަނުގެ ފުރުޞަތެއްގެ ގޮތުގައި ދެކޭށެވެ. ދެބަސްވުންތަކަށް އެއްބަސްވާނަމަ ރުޅިއަންނަންޖެހޭ ތަނެއް މެދުވެރިއެއް ނުވާނެއެވެ.

ސޯޅަވަނަ ހަފްތާ: ދުންޖަހަނީ ވަކީ ގޭގެއަކަށް ނޫނެވެ. ދުންޖަހަނީ މަދިރި މަދުކުރުމަށެވެ.

އޮފީހުގެ ސޯޅަވަނަ ހަފްތާ ނުނެމެނީސް މިފަހަރު މިއޮތީ ތަކުރާރުކޮށް އެއްވާހަކައެއް ލިޔަންޖެހިފައެވެ. ކޮންމެއަކަސް މިދިޔަ ހަފްތާ ރިޕޯޓްގައި ފާހަގަކޮށްފައިވާ ފަދައިން މަދިރި ކޮންޓްރޯލް ކުރުމަށްޓަކައި، މިހާރުވަނީ ދުންޖެހުމުގެ މަސައްކަތް ފެށިފައެވެ. މިމަސައްކަތް ފެށުމާއެކު ސުވާލުތައް ކުރިމަތިވާންފެށިއެވެ. މަދިރި ދުންޖަހަނީ ވަކި ގޭގެއަށް ތޯ ކުރެވޭ ސުވާލެވެ. މީގެ އިތުރުންވެސް ލިޔަންޖެހޭ ތަފާތު ވާހަކައެއް އެބައޮތެވެ. އެއީ ގިނަ އަދަދެއްގެ ވެލި ރަށުގެ ފަޅުން ނަގައި ފުވައްމުލަކަށް ވިއްކަމުންދާ ދިއުމާއިބެހޭ ވާހަކަ އެކެވެ. އެހެންނަމަވެސް އެވާހަކަ ދެން ލިޔާ ރިޕޯޓަކަށް ބޭއްވުމަށްފަހު މިހިސާބުން ދުންޖެހުމާއި ބެހޭގޮތުން ރައްޔިތުންނަށް އަރާފައިވާ އޮޅުން ސާފުކޮށްދެވޭތޯ ބަލާނަމަވެ .

ފަނަރަވަނަ ހަފްތާ ބަންދު: ހަޤީގަތާއި ޚިލާފު ވާހަކަތައް ދެއްކުމަކީ މުދިމުންގެ ކިބައިގައި ހުރުން އެކަށީގެންވާ ސިފައެއް ނޫނެވެ.

ހިތްހަމަނުޖެހުން ދިމާވާ ގިނަ ފަހަރު ވަރަށް ގިނަ މީހުން ޝަކުވާކުރަންދާ އެއްތަނަކީ ހިއްކިބިމުގައި ހުންނަ ޖޯލިފައްޗެވެ. ހިތްހަމަނުޖެހުން ފާޅުކުރުމުގެ އިތުރުން އެތަނުގައި އެއްމެ ގިނައިންކުރާ އެއްކަމަކީ މީހުންނާއި ދިމާލަށް ހަޑިހުތުރު އެއްޗެހި ގޮވުމެވެ. މީގެ އިތުރުން ސަރުކާރުގެ އެއްމެ އިސްވެރިޔާއިން ފެށިގެން އެއްމެ އާދައިގެ މުވައްޒަފުންނާއި ދިމާލަށް ހެއްދެވި ނެހެއްދެވި އަށް ގޮވުމަކީވެސް ވަރަށް އާއްމުކޮށް އެތަނަށް ޒިޔާރަތްކުރާ މީހުން ކުރާކަމެކެވެ. ޖޯލިފައްޗައް ޒިޔާރަތްކުރާ މީހުންގެ ތެރޭގައި ޒުވާން އުމުރުފުރައިގެ މީހުން ފިޔަވައި އާއްމުކޮށް ހުރިހާ އުމުރެއްގެ މީހުންވެސް ހިމެނެއެވެ. މީގެ ތެރޭގައި ސަރުކާރުގެ މުވައްޒަފުންނާއި، އަމިއްލަ ވިޔަފާރިވެރިނންނާއި، މަސްވެރިންނާއި، ދަނޑުވެރިން ހިމެނެއެވެ. މީގެ ތެރެއިން އަޅުގަނޑު އެއްމެ ހައިރާންވި އެއްކަމަކީ މިސްކިތު މުދިމުން ޖޯލިފައްޗައް ޒިޔާރަތްކުރާތަން ފެނުމުންނެވެ. އެއަށްވުރެ ބޮޑަށް ހައިރާންވި އެއްކަމަކީ މުދިމުން ޖޯލިފަތީގައި ތިބެ ހަގީގަތާއި ޚިލާފް ވާހަކަތައް ސަރުކާރާއި ބެހޭގޮތުން ދައްކަމުންދާ ވާހަކަ އެކި ދިމަދިމާލުން އަޅުގަނޑާއި ހަމައަށް އައުމުންނެވެ .

ފަނަރަވަނަ ހަފްތާ ބަންދު: ހިތަދޫން މެޝިނެއް ގެނެސްގެން ދުންޖަހަން ޖެހެނީ ކީއްވެގެން ހެއްޔެވެ؟

ސިއްޚީމަރުކަޒުގެ ހިސާބުތަކަށް ބަލާއިރު ފާއިތުވި ޖުލައި، އޮގަސްޓް މަހު ހުޅުދޫ މީދޫއިން ގޮތްނޭގޭ ހުމެއް ޖެހިގެން 500 އަށް ވުރެ ގިނަ މީހުން ފަރުވާ ހޯދާފައިވެއެވެ. ގޮތްނޭގޭ ހުމެކޭ މިދެންނެވީ އެތާނގެ ޑޮކްޓަރުންނަށް އެއީ ކޮންކަހަލަ ހުމެއްކަމަށް ބުނެދޭން ނޭގޭތީއެވެ. އެނގޭއެއްޗަކީ ހުންޖެހިގެން އެތަނުން ފަރުވާހޯދި އެއްވެސް މީހަކަށް ޗިކަންގުންޔާ ޖެހިފައިވާކަމަށް އެތާގެ ރިކޯޑުތަކުން ފެންނާކަށް ނެތްކަމެވެ. ވޭތުވެދިޔަ ދެމަސްދުވަހު އަދި މިއަދުވެސް ރައްޔިތުންގެ އެއްމެ ބޮޑު އެއް ޝަކުވާއަކީ މިއީއެވެ. 500 އަށް ވުރެ ގިނަ މީހުން ހުންޖެހިގެން ހުޅުމީދޫ ސިއްހީމަރުކަޒަށް ނުވަތަ ހުޅުމީދޫ ހޮސްޕިޓަލުން ފަރުވާހޯދިއިރު އެއިން އެއްވެސް މީހަކަށް ޖެހިފައިވަނީ ކޮންކަހަލަ ހުމެއްކަން ބުނެދޭން އެނގޭވަރުގެ މީހަކު އެތާނެތުމެވެ .